Ow Avon Splann Skrifys gans Brian Webb
Ow avon splann, ow avon efan
Ow resek heb lett dhe’n mor;
Ow avon splann, ow avon efan,
Ow treghi dha fordh der an dor.
An lanwes re lanhas olow treys an klavrek
Ysold yth esa ow toen.
Dha dhowrow re welas korf ow myghtern Arthur
Ha’y dhoen dhe gres Avalon.
Yn goskeus dha lannow y fatalyas estrenyon
Spaynyers erbynn an Frynkyon
Mes hedhyw y hwelir arwoedh agan bresel
Usi lemmyn war ankor heb son.
Yn le mayth omjunya gover dowr Ythi
An dowrow gwydh strollek Keynwynn
Y trehevis ha shapya agan tasow tre vyghan
Pandr’a wrussens i prederi lemmyn?
Dha avonow-maga yw avel derowenn
Gans skorrennnow owth ystynna yn-mes
Dhe Ruan, Mylor, Ponsmeur ha Devron
Mes ow resek eus dha vywnans dhe-ves?
Dha ganel a dhre ha dannvon pythow
Sten, glow ha gwara ha prenn
Mes an hwelyow a re dhe’n bobel bywnans
A’th lenwis ha syger pub den.
